I 1929 reiste bestefaren til Tor Steinar Normann som idealistisk kommunist til Russland for å byggje sovjetstaten. Der blei han borte i ein fangeleir. Tor Steinar sin oppvekst er på mange måtar typisk for etterkrigstida. Han blir militærnektar, politisk aktivist og til slutt teknisk sjef i Valdres. Gjennom alle desse åra har han ein stadig meir påtrengande idé om at han må finne ut kva som hende med bestefaren. På ei reise til det tidlegare Sovjetunionen forsvinn han sjølv. Dette er ein roman om stalinismen og tankegodset som også stod sterkt i Norge på syttitalet. Samstundes får lesaren glimt av ei familiehistorie over fire generasjonar. Romanpersonane strevar kvar på sitt vis med same spørsmål: kvifor valde eg som eg gjorde? Omtalen er utarbeida av BS.
