Andreas Linde, spesialagent i Organization Europe 3, har fått tildelt eit oppdrag han ikkje vil ha. Dei greske styresmaktene har fått nyss i ei planlagt likvidering av kurdiske barn, og Andreas sitt oppdrag er å eliminere alle dei involverte. Han må stoppe båten med barna om bord før dei når fram til Kreta. Samstundes reiser Elsa Fossevik på ferie til den same øya. Her møter ho ei norsk kvinne som ber ho om å ta vare på eit brev. Kort tid etterpå forsvinn kvinna, og tilbake står Elsa med eit brev og mistanken om at alle som så langt har lese det, er drepne. Andreas sin kamp mot klokka blir etter kvart ein kamp også for å redde Elsa.
